Запущен каталог белорусских видео на YouTube — brama.online
Запрацаваў сайт-каталог беларускіх відэа на YouTube — brama.online
Аб гэтым у сацсетках паведаміў яго стваральнік — заснавальнік «Ultra-Music», рэдактар канала аб польскай музыцы Posłuchaj, to do ciebie Вячаслаў Радзівонаў.
У сваім пасце ён напісаў, што «ідэя з'явілася даўно падчас размовы ў адным з чацікаў»: «Нехта сказаў, што на YouTube мала беларускага кантэнту. Я вырашыў аспрэчыць.Відэа, створаных беларусамі ці па-беларуску, шмат, але праз асаблівасці алгарытмаў YouTube яны часта не трапляюць да зацікаўленага гледача. Так ствараецца заганнае кола для беларускіх аўтараў: мала гледачоў, не хапае магчымасцяў для развіцця, сканчаецца імпэт, мала гледачоў… У выніку каналы хутка закрываюцца».
Таму Вячаслаў Радзівонаў і стварыў каталог, дзе можна лёгка знайсці відэа на розную тэматыку — ад гісторыі і тэхналогій да казак з Маляванычам і агародніцтва (не заўсёды на беларускай, але абавязкова — ад аўтараў з Беларусі).
Усе каналы падзеленыя па катэгорыях. А тыя каналы, на якіх ёсць кантэнт на розныя тэмы, падзяляюцца на асобныя праграмы. А вось пошука пакуль, на жаль, няма.
Даныя абнаўляюцца аўтаматычна ў рэжыме рэальнага часу. Акрамя таго, кожны можа самастойна дадаць у базу свой любімы беларускі YouTube-канал.
Падборка найлепшых польскіх кліпаў 2022-га ад Вячаслава Радзівонава ў нашым канале
