Визовый скандал и PBH: перспективы для белорусов в Польше
🇵🇱 «Дастатковую колькасць віз выдалі, а ПВТ усё роўна застаўся ў Мінску». Пагутарылі пра перспектывы мігрантаў з вядучым падкасту «Зроблена ў Польшчы» — частка 2
PiS любіць беларусаў болей, чым урад Туска («пры PiS такога не было!»)? Ва ўсім вінаватыя PBH-шнікі? Беларусы не змогуць падавацца на абарону?
Dzik сабраў некаторыя папулярныя меркаванні/страхі з нашага чату і папрасіў Кірыла — аднаго з вядучых падкасту «Зроблена ў Польшчы» пра польскую палітыку — іх пракаментаваць.
Гэта працяг, пачатак чытайце вышэй👆
👉 У падкасце «Зроблена ў Польшчы» сувядоўцы Кірыл (блогер, па адукацыі — спецыяліст па палітычнаму маркетынгу) і Макс (блогер і медыяменеджар) размаўляюць пра польскую палітыку. Напрыклад, у адным з выпускаў яны абмяркоўвалі візавы скандал і хто лепей для беларусаў — PiS альбо Koalicja Obywatelska).
— Я пісаў у сваім трэдзе, што на такія пытанні няма простых адказаў. Няма нейкай адной прычыны, што справакавала візавы скандал.
Хутчэй, гэта PiS пабудаваў сістэму розных праграм, але не стварыў ніякіх механізмаў, як гэта павінна было працаваць. Класічны факап PiS-у. Яны заўсёды прыдумлялі вялікія пафасныя ідэі, якія потым дрэнна працавалі. Прыгадайце толькі ўвядзенне «Польскага ладу» і які хаос гэта выклікала.
Тут на чале іншае пытанне — нацыянальнай бяспекі. Напрыклад, падчас аднаго з пасяджэнняў Сейму пасля пажару на Марывільскай 44 Туск гаварыў, што ABW папярэджвала наконт магчымых дыверсій «з боку нашых усходніх суседзяў», і трэба звярнуць увагу на тых, хто прыехаў з гэтых краін.
Мне ў каментарах пісалі, што ў адмене праграмы Poland.Business Harbour вінаватыя самі беларусы, якія ездзілі на закупы з візамі PBH. Але я з гэтым не пагаджуся. Тут вельмі шмат фактараў, ад пытанняў бяспекі краіны і да карупцыі ў МЗС. Гэта ўсё можна пачытаць у адпаведным рэпорце NIK.
Дарэчы, мяне ў гэтай справаздачы больш за ўсё ўразіла, што ў праграмы PBH нават не было пісьмовай версіі. Як так можна — зрабіць новую вялікую праграму, мэтай якой з’яўляецца прыцягненне каштоўных кадраў у краіну, і нават не падрыхтаваць паперы?! Але падобныя правалы вельмі ўласцівыя партыі PiS.
- От давления на консулов до выдачи виз в обход закона. Что говорится в отчёте о визовом скандале.
- Что говорится о PBH в отчёте о визовом скандале
- «Незразумела, чаму да PBH-шнікаў прэтэнзіі, што выдалі шмат віз, а прыехала мала людзей. Віза!=абавязацельства прыехаць»
- Я магу гэта пракаментаваць, з аднаго боку, як чалавек з польскім грамадзянствам, а з іншага — як беларус.
То бок, палякі прыдумалі праграму, мэтай якой было прыцягнуць у краіну цэнныя кадры. Умоўна, каб увесь Парк высокіх тэхналогій пераехаў у Варшаву. Але дастатковую колькасць віз выдалі, а ПВТ усё роўна застаўся ў Мінску. І ў палякаў узнікла пытанне «якога фіга».
Да таго ж званочкі, што візы выкарыстоўваюцца не па мэце, былі ўжо некалькі год таму. Напрыклад, калі кагосьці, умоўна, лавілі з працоўнай польскай візай на нямецка-галандскай мяжы і давалі забарону на ўезд на тры гады.
Як беларус, я разумею, што візу зрабіць складана і не абвінавачваю людзей. Але з пункту гледжання грамадзяніна Польшчы правілы ёсць правілы.
«У нас аднімуць віды на жыхарства, якія выдалі на падставе PBH »
— Наогул не разумею, адкуль гэта ўзялося. Проста аднаго дня адкрываю твітар, а там людзі разважаюць, што будзе, калі ў іх забяруць часовы від на жыхарства.
На дадзены момант я не бачу і не чакаю такога развароту ў адносінах Польшчы да беларусаў. Пакуль таму няма ніякіх прыкмет. І нават калі Польшча пачне адзываць ВНЖ, гэта створыць ёй шэраг праблем. Бо на яе змогуць падаць у той жа ЕСПЧ.
