Первый в мире белорусский GPT радио запустили в Польше
📻 ❤️ Беларус запусціў першае ў свеце беларускамоўнае GPT-радыё
Трансляцыю можна паслухаць тут. Радыё запусціў Георгій Качаноўскі, CEO ScooterAPI, які жыве зараз у Кракаве.
Ён распавёў блогам @devby пра далейшыя планы. Прыводзім цытаты адтуль, астатняе чытайце па спасылцы.
- Мне хацелася зрабіць праект, звязаны са штучным інтэлектам. Я шмат чытаю пра ШІ, вывучаю тэхналогію. Прыйшоў час зрабіць нешта на практыцы!
- Прыкладна месяц таму на сустрэчы бізнес-клуба ў Кракаве я падзяліўся ідэяй і знайшоў аднадумцаў, гатовых увасобіць яе ў жыццё. Праект цалкам зроблены за ўласныя грошы, без інвестара.
- Распрацоўка MVP (з улікам нашага часу) каштавала 2 тысячы долараў. У будучыні кошт праекту будзе вышэйшы. Калі радыё стане аўтаномным і пачне самастойна генераваць кантэнт паводле промтаў, тады трэба будзе плаціць за агучку і за АПІ да опен АІ і касты вырастуць. Але, у любым выпадку, GPT-радыё значна танней за звычайнае. Зазначу, што мы не плануем манетызаваць праект.
- Мы не плацім выканаўцам, чые песні выкарыстоўваем у радыё — гэта некамерцыйны праект і мы не зарабляем на іх творчасці. Аднак мы скантактаваліся з артыстамі і большасць пагадзілася, каб іх песні гучалі ў эфіры. Толькі адныя артысты папрасілі прыбраць іх творы (не праз фінансавыя прычыны).
- Першы крок — напісаць тэкст эфіру на беларускай мове. Мы паспрабавалі розныя мадэлі, самай лепшай аказалася GPT 4o.
- Далей трэба было стварыць голас вядучага. Большасць мадэляў агучваюць як падпіты паляк або як амерыканскі турыст, які вучыцца беларускай мове. Пасля праверкі розных TTS (Text-to-Speech) мадэляў, мы спыніліся на Donar.by. Яна адна з нешматлікіх, здольная карэктна вымаўляць беларускія словы з правільным націскам.
- Donar.by збіраюць беларускамоўныя сэмплы і вучаць беларускамоўную мадэль. Чым больш галасоў беларусаў будзе ў мадэлі, тым лепей будзе якасць агучкі. І нам будзе прасцей захаваць беларускую мову, дзякуючы сучасным тэхналогіям.
- Зараз мы спрабуем адказаць сабе на пытанне: ці ёсць патрэба ў беларускамоўным GPT-радыё? Калі інтарэс аўдыторыі пацвердзіцца, мы плануем аўтаматызаваць працэс, зрабіць эфіры ўнікальнымі. Цяпер мы маем каля двух гадзін эфіру, якія паўтараюцца цягам дня.
- Таксама хочам пашырыць эфір і дадаць праграмы для вывучэння беларускай мовы, а таксама вечаровыя казкі для дзяцей. У мяне дзве дачкі і было бы класна ўключаць ім казкі на фоне. Плануем дадаць і гістарычныя, гумарыстычныя праграмы. Нашае радыё можа быць месцам, дзе вывучаюць беларускую мову.
- Водгукі на праект можна пакінуць на сайце (цісніце на зорачку злева)
История на вечер. Краковская радиостанция заменила всех журналистов на искусственный интеллект
