Карысная спасылка: польскі «Куфар» з аб'явамі для мігрантаў

Беларусы павінны памятаць беларускую дошку аб'яў «Kufar», дзе можна знайсці ўсё на свеце. Цяпер у Польшчы запусціўся можна сказаць што брат кузэн беларускага сайта.

Называецца «Kufar.pl» — але за ім стаіць зусім іншая каманда. Як расказаў Dzik-у адзін са стваральнікаў — айцішнік з вопытам і ў распрацоўцы, і тэсціраванні, і нават Product Owner-стве — гэта праект «ад мігрантаў для мігрантаў».

Людзі ў Польшчы часцяком посцяць аб'явы аб прадажы нейкай рэчы альбо пошуках кампаніі для імпрэзы ў Facebook. Аднак стужка хутка абнаўляецца, і ўсё губляецца. А на сайце ўсё застанецца надоўга.

Плюс сайт прызначаны ў першую чаргу для прыезджых, якія могуць не надта добра валодаць польскай — вось чаму інтэрфейс польскага «Куфра» на чатырох мовах: беларускай, англійскай, польскай і ўкраінскай (так, рускай няма).

У аб'яве можна пазначыць мову камунікацыі прадаўца.

Хто ствараў?

Насамрэч, розныя людзі, сярод якіх былі і айцішнікі. Хтосьці запускаў open source «рухавік», хтосьці мадэрыруе аб'явы. Але, канешне, без AI не абышлося. Як кажа стваральнік: «Тое, што раней займала 5 дзён, цяпер робіцца за 5 гадзін».

Ці не ўзнікне праблем праз падобныя назвы з беларускім праектам?

Не павінна. Стваральнік выкупіў дамен, а таксама аформіў рэгістрацыю гандлёвага знаку. Тры месяцы, пад час якіх маглі паступіць магчымыя пярэчанні, ужо мінулі. Цяпер застаецца толькі дачакацца дакументаў (недзе праз пару месяцаў).

Да таго ж беларускаму «Куфру» пакуль будзе цяжка выйсці на еўрапейскі рынак праз магчымыя санкцыі. Аднак наш суразмоўца дапускае, што ў будучыні зменіць назву.

Як дадаць аб&;яву?

Усё проста. Для размяшчэння ўстаўляем змест аб’явы і свой адрас е-мэйла. На яго прыйдзе спасылка для актывацыі і кіравання аб’явай — без рэгістрацыі, стварэння акаўнтаў і новых пароляў.

То бок, на сайце не збіраюцца вашыя асабістыя даныя — толькі тое, што ўкажаце самі: ужо згаданы мэйл і тэкст і кантакты самой аб&;явы.

Вы можаце посціць не толькі рэчы на продаж, але і абвесткі аб розных івэнтах, вакансіі, аб'явы пра арэнду жылля і г.д. Па сутнасці, сайт павінен выконваць ролю аб'яднання кам'юніці за мяжой.

Гэта бясплатна?

Так, усё бясплатна. Калі сайт і ўзляціць, то рэкламу будуць прадаваць фірмам, а не прыватным асобам.

Вы можаце пакінуць фідбэк стваральнікам вось па гэтай спасылцы

Калі хочаце расказаць пра свой пет-праект, пішыце нам у чат-бот