Карысная спасылка: беларус зрабіў бота, каб маніторыць жывыя чэргі ва ўроцлаўскім ужэндзе
Жыхары Уроцлава ведаюць — існуе два спосабы забраць гатовую карту пабыту. Першы — забраніраваць дату «адбёру» анлайн, але тады давядзецца пачакаць недзе месяц. І другі — паспрабаваць шчасця па жывой чарзе.
☝️ Раней, па водгуках, «к открытию толпа была уже как на концерт Коржа». Цяпер, здаецца, стала лягчэй: «Можно по живой забрать. Пару часов нужно будет подождать, но проблем, как 8-12 месяцев назад, нет».
Што тычыцца анлайн-запісу, то кажуць наступнае: «Есть запись, но она не явная — регистрируешься и ждешь СМС ориентировочно 2 месяца, оно приходит с датой + 1 месяц, итого 3. Из практики — когда пришла децизия, то можно записываться, т к карту делают около 2.5 месяцев».
А вось што расказаў адмін чату «wroclaw dokument podróży»: «Абстаноўка з адборам дакументаў наступная:
▪️ па жывой чарзе зараз з большага магчыма атрымаць дакументы ў той самы дзень, чэргі ёсць, але не параўнальна да таго, што было нават 5-7 месяцаў таму;
▪️сістэма запісу працуе праз раз, тэрміны чакання 3+ месяцы, не заўжды даходзяць даты, ёсць выпадкі, калі чакалі больш за 6 месяцаў ды не дачакаліся.
На нашу думку — NIK (нядаўна NIK праверыў Ніжнесілезскае ваяводскае ўпраўленне і выявіў азнакі карупцыі) тут не меў уплыву, проста пачаўся новы год і трэба KPI падымаць 🤷 Паглядзім, як доўгатэрмінова гэта будзе працягвацца».
Адзін з нашых чытачоў, Уладзімір, распрацоўшчык з 10 гадамі вопыту, запіліў тэлеграм-бот @duw_queue_updates, які прызначаны для «маніторынгу самай запатрабаванай чаргі — на адбор карты пабыту». Пагутарылі з ім.
Як з’явілася ідэя і ў чым яе плюсы?
Як кажа Уладзімір, ва Уроцлаве «вельмі цяжка атрымаць карту» — спачатку чакаеш дэцызіі, а потым яшчэ і самога друку пластыку, на што можа сысці больш за месяц.
Недзе год таму распрацоўшчык атрымаў запаветнае паведамленне, што ягоны побыт гатовы.
«Сябар запрасіў мяне на вяселле, і таму мне гэтая картка трэба была тэрмінова, — расказвае ён. — Я рашыўся пайсці ў чаргу. Як гэта выглядае? Ты прыходзіш і бярэш талончык у аўтамаце. Гэта свайго роду чэлендж, бо талончыкі “выкідваюць” цягам дня — вялікую партыю раніцай і потым яшчэ дакідваюць паэтапна. Колькі — залежыць ад наплыву. І таму людзі стаяць каля гэтых тэрміналаў і пастаянна па іх клікаюць.
Пры гэтым паведамленні аб новай партыі талонаў яшчэ ёсць на сайце DUW. І вось, седзячы ў чарзе, я падумаў, што было б значна зручней, калі б мне прыходзілі пушы на тэлефон і не даводзілася маніторыць інтэрнэт-старонку».
Першую версію з натыфікацыямі праз Pushover Уладзімір зрабіў літаральна «на каленцы», пакуль чакаў свой талончык (ён захапіў з сабой лэптоп, плануючы папрацаваць). А потым вырашыў зрабіць яе больш зручнай для іншых і перавёў у тэлеграм (бот даступны тут: @duw_queue_updates). Бо — «гэта зручней, чым усталёўваць асобную аплікацыю».
Праграма напісаная на Go. У чым яе перавагі? Па-першае, як ужо казалася вышэй, не трэба пастаянна маніторыць сайт.
А, па-другое, талончыкі часта дакідваюць ужо вечарам. Не ўсе пра гэта ведаюць і таму едуць раніцай. А пушы дазваляюць не спяшацца і пад’ехаць ва ўжондужо пасля працы, калі няма чэргі.
«Акрамя таго, у боце можна паглядзець агульную колькасць талонаў на дзень, — дадае распрацоўшчык. — Не ўпэўнены, ці вядуць ужонднікі статыстыку, але, па маіх назіраннях, людзей у Дальнашлёнскім ужонде вельмі шмат. За тыдзень могуць выдаць і тысячу талонаў. А з улікам чэрг і тэрмінаў часовых побытаў (максімум на 3 гады) гэтаму чалавечаму патоку не будзе ні канца, ні краю».
Дададзім, што яшчэ існуе падобны бот пад назвай @kolejkaduw
🐽Уроцлаўскія, дзяліцеся, колькі зараз чакаць карты пабыту ў вашым ваяводстве! Пішыце ў каментарах альбо чат-боце
